Samverustundir sem hafa góð og verndandi áhrif á börn
Sumarið er framundan með öllum sínum ævintýrum. Samvera með fjölskyldunni er einn af þeim þáttum sem eru verndandi í lífi barna og ungmenna. Verndandi þættir er þeir sem draga úr áhættuhegðun og styrkir börn í að takast á við áskoranir í lífinu.
Reykjavíkurborg stendur fyrir forvarnaverkefninu Verum klár þar sem áhersla er lögð á jákvæð skilaboð til ungs fólks og aðstandenda þeirra um samveru og heilbrigðan lífsstíl.
Verndandi þættir í lífi barna:
- Virkar samverustundir með fjölskyldunni
- Foreldrar þekki vini barna sinna og foreldra þeirra
- Börnin taki þátt í skipulögðu frístundastarfi
- Foreldrar fylgist með hvað þau eru að gera, hvar þau eru og með hverjum
- Eiga samtal um virðingu, heilbrigð samskipti, samþykki og mörk
- Ræða um samfélagsmiðla og ábyrga skjánotkun
Foreldrar geta stuðlað að öryggi barna sinna með því að:
- Vera góðar fyrirmyndir
- Setja skýr mörk og ræða hvenær og hvernig þau koma heim til sín á kvöldin
- Leyfa ekki eftirlitslaus partí og virða útivistartíma
- Taka virkna þátt í foreldrasamstarfi
- Virða lög um aldurstakmörk varðandi áfengi, vímuefni og nikotínnotkun
Á vefsíðu Verum klár má finna fjölda góðra hugmynda um samverustundir fjölskyldunnar. Þar er einnig að finna hlekki á margvíslegt efni sem getur nýst fjölskyldum sem vilja gera skemmtilega hluti saman í sumar.