Foreldrasamstarf í skóla- og frístundastarfi

Skólaráð og foreldrafélög

Samkvæmt lögum skal vera foreldraráð við hvern leikskóla. Í því sitja að lágmarki þrír foreldrar. Kosning skal fara fram í september ár hvert og er kosið til eins árs í senn.

Hlutverk foreldraráðs er að gefa umsagnir til leikskólans, fylgjast með framkvæmd skólanámskrár, starfsáætlunar og öðru sem snertir starfsemi leikskólans. Ráðið hefur umsagnarrétt um allar meiriháttar breytingar á leikskólastarfi.  

Við grunnskóla skal starfa skólaráð sem er samráðsvettvangur skólastjóra og skólasamfélags um skólahald. Einnig skal við grunnskólann starfa  foreldrafélag sem styður við skólastarfið, stuðlar að velferð nemenda og traustum tengslum milli heimila og skóla.

• Sjá handbók um skólaráð

Samtök foreldra 

Foreldrar hafa stofnað foreldrafélög í öllum grunnskólum borgarinnar. Samtök foreldra í landinu sem nefnast Heimili og skóli. Á skóla- og frístundasviði starfar verkefnastjóri foreldrasamstarfs sem liðsinnir og er í samstarfi við foreldrafélög í leik- og grunnskólum Reykjavíkur. 

• Sjá meira um samtökin Heimili og skóli